Komisioni për Buxhet dhe Financa i Kuvendit të Kosovës ka miratuar Raportin Financiar Vjetor të Autoritetit Rregullativ të Hekurudhave për vitin 2017.
Në mbledhjen e radhës të mbajtur nga Komisioni për Buxhet dhe Financa është shqyrtuar Raporti Financiar Vjetor i Autoritetit Rregullativ të Hekurudhave për vitin 2017. Në këtë mbledhje kanë marrë pjesë edhe Bordi Mbikëqyrës i ARH-së së bashku me U. D. Drejtorin e Përgjithshëm, ku para komisionit kanë bërë prezantimin e këtij raporti. Pas diskutimeve dhe debatit rreth këtij raporti, komisioni njëzëri ka miratuar Raportin Financiar Vjetor të Autoritetit Rregullativ të Hekurudhave për vitin 2017.