Prishtinë, 19 Tetor 2017
Stafi i Autoritetit Rregullativ të Hekurudhave, me datë 19/10/2017 ka realizuar një vizitë një ditore në Shkup të Maqedonisë. Udhëtimi është bërë përmes transportit hekurudhor. Operatori publik i transportit hekurudhor TRAINKOS e mundësoi udhëtimin me tren në destinacionin Prishtinë - Hani Elezit dhe anasjelltas, ndërsa kompania maqedonase e transportit hekurudhor e mundësoi udhëtimin nga Hani Elezit deri në Shkup dhe anasjelltas.
Qëllimi i këtij aktiviteti ishte që të shikohen për së afërmi praktikat e zbatimit të marrëveshjeve të nënshkruara në mes të institucioneve përkatëse të Republikës së Kosovës dhe Republikës së Maqedonisë, siç janë:
- Marrëveshja mbi komunikacionin hekurudhor kufitar e nënshkruar me datë 15.09.2011;
- Marrëveshja implementuese për ndërlidhjen e përbashkët të rrjeteve Hekurudhore, e nënshkruar me datë 15.02.2016.
Në përfundim të kësaj vizite u konstatua se duhet përkushtim dhe angazhim edhe më i madh për intensifikimin e raporteve në mes të dy vendeve dhe heqjen e barrierave politike, në mënyrë që shfrytëzuesve të transportit hekurudhor të ju bëhet më i lehtë kalimi kufitar gjatë udhëtimit me tren.